General Santos City–Nag padayon ang nahimong derektiba ni Gensan City Mayor Ronnel Rivera kang Police Col. Aden Lagradante ang City Director sa General Santos City Police Office nga hatagan ug pagtagad ug gilayong sulbaron ang mga kaso sa pag pamusil sa dakbayan.
Sumala sa mayor nga aduna na silay kasabutan ni PRO-12 Regional Director Brig. Gen. Alfred Curpoz ug Col. Aden Lagradante nga kinahanglan sila maghimo na ug mga bag-ong pamaagi kung unsaon sa pagsulbad ang mga kaso sa pagpamusil ug kung unsaon nga ma-undang ang mga pagpamusil sa syudad.
Sa karon kontento matud pa si Mayor Rivera sa nahimong performance sa kapulisan sa GenSan sa pagpanguna ni Police Col. Aden Lagradante ug dako pa ang iyahang pagsalig nga kaya sulbaron sa kapulisan sa Gensan ang mga nagakahitabo nga krimen sa syudad.
