General Santos City— Gipaklaro ni Gensan City Mayor Ronnel Rivera nga plano pa lang gyud sa syudad ang Local Public Transport Route Plan kon LPTRP pasabot nga mamahimo kining bag-uhon kung dili kini mamahimong epektibo.
Sumala niya nga mas maayong suwayan una ang LPTRP sulod sa unom ka bulan ug higayon nga dili kini makahatag ug maayong resulta, mamahimo kining amyendahan.
Pag-angkon sa mayor nga dili sayon ang proseso aron nga makamugna ug LPTRP gumikan dugay usab kining gitun-an dili lang sa dakbayan kundili lakip na ang mga personahe sa LTFRB gikan sa nasyunal nga panggamhanan.
Busa awhag niini ngadto sa mga konsehal nga i-adopt na ang LPTRP aron nga matun-an ug masayran kung adunay epekto sa transportasyon sa gensan ayha kini amyendahan.
Facebook Comments
