General Santos City— Suportado ni Gensan City Mayor Ronnel Rivera ang unsa mang lakang sa nasyunal nga panggamhanan alang sa kaayuhan sa mga kabataan.
Alang kaniya mas maayong sutaon ug maayo kung kinahanglang amyendahan ang kasamtangang balaud kung asa anaa sa 15 anyos ang kabataan nga mamahimong pasakaan ug kaso hilabina kung lambigit sa heinous crimes.
Apan gibutyag niya nga gawas sa pagduso nga paubsan ang edad sa mga batang nga mamahimong mapasakaan ug kaso nga sa 9 anyos, labing maayo kung hatagan ug nindot nga environment ang mga kabataan gumikan ang kumyunidad nga ilahang ginadak-an maoy usa sa mga makahatag ug impluwnesya sa ilahang mga lihok.
Dako man usab ang iyahang pagtuo nga disiplina ang labing gikinahanglan sa mga kabataan aron nga dili mahimong problema sa katilingban ug dili ang sayo nga pagka-ppriso ang himuong solusyon.
