General Santos City—- Giangkon ni Gensan City Mayor Ronnel Rivera nga nakurat siya human masayran nga gipahigayunan ug operasyon si brgy. Tambler kapitan Abdul Wahid Bualan sa tropa sa Philippine Drug Enforcement Agency 12 sa pagpanguna ni PDEA 12 Director Gil Cesasrio Castro.
Sumala niya nakurat siya gumilkan ang Brgy. Tambler ang usa sa mga aktibong brgy. sa dakbayan nga nagasuporta sa kampanya batok illegal mga druga. Pamahayag sa mayor nga wala silay nasayran nga bisan gamay nga impormasyon nga magkonekta kang Kapitan Bualan sa illegal nga aktibidad gikan sa intel community, kapulisan ug bisan ang DILG apan iyahang gikatingad-an nganong adunay datus ang PDEA 12.
Pagpaklaro ni Mayor Rivera nga ayha pa man gisugdan ni Presidente Duterte ang iyahang kampanya batok druga, nauna na nilang gisuta sa DILG ang posibleng mga anaa sa posisyon sa dkabayan nga lambigit sa illegal nga aktibidad ug wala ang pangalan sa nasangpit nga kapitan gani ang brgy. tambler ang usa sa ilahang best performer sa pagbatok sa illegal nga druga.
Dako ang iyahang panghinaut nga mahinlo ni Kapitan Bualan ang iyahang pangalan ug mapaklaro sa PDEA ang ilahang kabahin aron nga malikayan nga magdugda ang katawhan sa ilahang operasyon, dili lang ang PDEA kundili sa uban pang mga ahensya nga sumala pa naangin ang mga opisyal nga walay kalabutan sa illegal mnga aktibidad.
