General Santos City— Dako ang panghinaut ni Gensan City Mayor Ronnel Rivera nga validated ang mga pangalan nga nabutang sa listahan sa PDEA nga sumala pa lambigit sa illegal nga droga kon Narco-Politician.
Kini gumikan kung dili matud pa validated ang maong listahan, mamahimo kining unfair ngadto sa mga pulitikong nabutang sa maong listahan kung mapamatud-ang dili lambigit sa hiwing binuhatan.
Pasalamat niya nag walay ni bisan usa nga opisyal sa barangay gikan sa dakbayan ang nalakip sa maong narco-list sa PDEA apan pagpasklaro niya nga padayon ang ilahang ginahimo nga pag-monitor.
Dugang pamahayag ni Mayor Rivera nga ang pangalan sa mga opisyal sa barangay nga sumala pa anaa sa ilahang watchlist ang nahatag na niya ngadto sa buhatan sa PDEA 12.
Iyaha na matud pang gitugyan sa maong buhatan ang pagmonitor sa maong mga opisyal kung nagpadayon pa sa illegal nga hinimuan.
Samtang gibutyag niya nga ilaha pa karon nga ginasuta kung adunay mga kandidatong mupapili sa barangay nga anaa sa watchlist sa lokal nga panggamhanan.
