General Santos City— Dapat validated ang mga pangalan nga ipagawas sa PDEA national nga nalakip sa laing narco-list nga ilahang gihuptan. Kini ang hangyo ni Gensan City Mayor Ronnel Rivera.
Sumala niya nga lisod gyud nga mapangalanan nga lambigit sa illegal nga droga kung dili validated ang mga impormasyon hilabi na nga wala miagi sa saktong proseso
Pamahayag niya nga welcome alang kaniya ang maong lakang sa nasyunal nga panggamhanan gumikan pinagi niini ma-monitor ang tanang lambigit sa illegal nga droga.
Dugang pamahayag Mayor Rivera nga dili gyud dapat tugtan nga magpagawas lang ug pangalan nga wala man lang gi-susi sa managlahing ahensya sa gobyerno. Kung asa pinagi sa pag-validate sa mga pangalan adunay igong basihan aron masulting sila lambigit gyud sa illegal nga aktibidad.
Pamahayag niya nga kinahanglan matud pa nga protektahan usab ang katungod sa katawhan ug dili niya buot nga maguba ang pangalan sa mga nasangpit tungod lang sa listahan nga gipagawas.
