General Santos City–Aminado karon si Gensan City Mayor Ronel Rivera nga dunay problema sa projection sa paghimo ug mga sam-ang sa Antonio C. Acharon Memorial Park (ACAMP) kon mas nailang Uhaw cemetery dinhi sa dakbayan sa Gensan.
Giangkon sa mayor nga nasuko siya tungod kay wala matarong og bana-bana ang proyekto nga miresulta karon sa kakulangon sa mga sam-ang nga lubnganan alang sa mga minatay nga mga hamtong.
Gumikan niini gimando na usab sa mayor ang pagbutang ug dugang nga pondo aron nga maimplementar ang padayong paghimo ug mga lubnganan.
Giangkon usab ni Gensan City Mayor Ronel Rivera nga wala gyud magahinan og pondo karong tuiga ang proyekto sa ACAMP og sa sunod tuig pa kini mapondohan.
Luyo niini Gibarugan ni Mayor rivera nga didto gyud nagkaproblema projection sa proyekto hinungdan nga nasinati sa mga taga Gensan karon ang problema bahin sa kalubngan sa mga patay. (JordanBritos)
