General Santos City— Wala ginahuna-huna ug sakto sa mga miyembro sa Sangguniang Panlungsod ang pagdeklara kang Police Senior Superintendent Romeo Ruel Berango, acting City Director sa Gensan City Police Office nga Persona Non Grata sa syudad. Kini ang gibutyag ni Gensan City Mayor Ronnel Rivera.
Sumala niya nga kung wala nauyunan sa mga konsehal ang performance niini isip labaw sa kapulisan, mas maayong naghimo sila ug resolusyon nga paghangyo alang sa pagtransfer o pagpahawa kaniya sa posisyon isip labaw sa kapulisan sa dakbayan.
Apan gipaklaro niya nga iyahang gina-respeto unsa man ang desisyon sa mga konsehal bahin kang Col.Berango. Kung asa iyaha matud pang suwayan nga i-resulba ang bangi sa kapulisan ug mga konsehal sa adlaw’ng lunes sa iyahang pagbalik gikan sa iyahang official business.
Gihingusgan man usab niya nga maayo ang performance ug trabaho ni Col. Berango sa dakbayan isip labaw sa kapulisan.
