General Santos City— Wala pay gipagawas nga Executive Order si Gensan City Mayor Ronnel Rivera kabahin sa operasyon sa Small Town Lottery sa dakabyan human mahatagan ug concurrence sa Sangguniang Panlungsod.
Sumala niya nga bisan ug adunay nay pagtugot gikan sa konseho ang operasyon sa STL, ilalom gihapon kini sa nasyunal nga balaud pinaagi sa PCSO. Apan iyahang gipaklaro nga unsa mang ang nakalatid sa concurrence nga gihatag sa lokal nga panggamhanan, kinahanglan nga kini tumanon sa PCSO.
Dugang pamahayag ni Mayor Rivera nga ang guidelines sa operasyon sa STL ang himuon sa lokal nga pangamhanan pinaagi sa Executive Order.
Sa karon matud pa, ilaha pang ginahan-ay ang tanang mga dokumentong gikinahanglan gumikan kahibalaun matud pa nga milabay’ng bulan lang kini gi-aprubahan sa hawanan sa konseho.
Pagpaklaro sa mayor nga unsa mang ang mga nahiomong obserbasyon ni kagawad Gacal sa operasyon sa STL, kini ang ilahang tun-an sa paghimo sa executive order.
Pagpaklaro ni Mayor Rivera nga dili makonsiderang isyu ang operasyon sa STL sa dakbayan bisan ug wala pay Executive Order gumikan aduna naman silay pagtugot gikan sa hawanan sa konseho.
Apan kinahangklan matud pa nga higayon makapagawas na ug E.O ilahang tumanon unsa mang ang unod niini patikular na ang ihap sa STL outlet nga dili muubos sa 45 ug dili mulampas sa 110.
Gihingusan ni Myor Rivera nga tungod sa wala pay E.O nga gipagawas, wala pa siya’y nakit-ang bayolasyon sa operasyon sa STL sa syudad.
