General Santos City—Miapela karon si Alabel Sarangani Mayor Paul Salarda ngadto sa mga rebeldeng grupo nga naka engkwentro bag-ohay lamang sa mga tropa sa 73rd Infantry Battalion Philippine Army sa kabukirang bahin sa Alabel Sarangani Province nga dili lamang damayon ang mga sibilyan.
Dugang pa sa Mayor nga ilaha pang gina validate ang report nga adunay mga sibilyan ang naipit sa binakbakay sa lugar. Kahibaluan nga Alabel, Malapatan, og Davao del sur ang gikabaniog kaniadto nga balwarte sa guerrilla front 71 sa CPP NPA.
Apan aminado ang maong opisyal nga adunay mga mihikling nga mga sibilyan sa lugar sa kahadlok nga mapagan sa engkwentro.
Sa pagkakaron ginapaabot usab ni Alabel Mayor Salada ang mga pangalan matud pa sa duha ka mga rebeldeng NPA nga napatay sa engkwentro kung asa nagpabilin karon sa usa ka lokal nga purernarya sa lungsod sa Alabel, Sarangani Province. (Emir Bariquit)
