General Santos City–Hugtanong gikondina ni Gensan City Mayor Ronnel Rivera ang pagpamusil patay ngadto kang North, Barangay Kapitan Arman Mejia, alas 11:00 pasado ang takna.
Sumala sa Mayor nga ilang gikakurat ang insidenti hilabi na nga wala may record ang kapitan sa iligal nga gimbuhaton. Paningkamutan usab nila nga mahatagan ug hustisya sa kamatayon sa biktima ug matumbok kinsay nagpaluyo niini.
Gisalig usab ni Mayor Rivera ang imbistigasyon sa kapulisan ug siya kampante nga himuon sa Gensan City Police Office ang tanan aron nga mahatagan ug hustisya ang kamatayon sa kapitan.
Dugang pa sa mayor nga sayo pa para mag speculate kung unsay motibo sa krimen apan posibleng may kalabutan kini sa trabaho ug sa iyang negusyo.
Dili usab masulti sa mayor kung may kalabutan sa politika ang pagpatay sa kapitan.
