General Santos City–Dili pa tantong kumbinsido si Isulan Mayor Marites Pallasigue nga binuhatan gyud sa Bangsamoro Islamic Freedom Fighters (BIFF) ang mga hitabong pagpamomba sa ilang lugar bisan pa man nga kini ang gibutyag sa AFP ug sa PNP.
Sumala sa Mayor nga sa karon ginahulat pa niya nga mahuman ang kinatibuk-ang imbestigasyon sa kasundalohan ug kapulisan aron masiguro kung unsa gyud ang motibo ug kinsay mga nagpaluyo sa maong pagpamomba.
Dugang pagbutyag ni Mayor Pallasigue nga aduna silay laing motibo nga ginatan-aw bahin sa sunod sunod nga pagbusikad sa ilang lungsod.
Sumala niini nga particular nga ilang ginadudahan mao ang personal nga motibo ngadto sa ilang munisipyo ug sa kapulisan.
Giangkon sa mayor nga sa pagkakaron nagpabilin pa ang tensyon ug kahadlok sa katawhan sa Isulan apan hinuon hugot nga siguridad man ang ilang ginap[atuman sad maong lugar.
Nasayran nga una nang gibutyag sa kapulisan ug sa militar nga aduna nay mukabat sa 24 ka mga tawo ang ilang gipangkasuhan nga lambigit matud pa sa duha ka sunod sunod nga pagpamomba sa Isulan.
