Mayor sa lungsod sa Pitogo gi-ambush, usa ka body guard patay samtang laing usa usab ang samaran

137

Pitogo, Zamboanga del Sur – Swerte nga naluwas gikan sa kamot sa armadong kalalakin-an ang mayor sa lungsod sa Pitogo, Zamboanga del Sur human kining gi-ambush kagabii sa Brgy. Poblacion, Pitogo, ning probinsya.
Naa sa sulod sa iyang sakyanan si Mayor James Yecyec samtang pauli paingon sa iyang pinuy-anan uban ang iyang duha ka bodyguards dihang kalit nga gipaarakan sa wala mailang armadong lalaki nga miresulta sa kamatayon ni Margarito Yangyang samtang samaron usab si Selverio Ediang Jr. pulos mga bodyguards sa mayor.
Swerte nga wala ma-igo sa mga bala si Mayor Yecyec ug anaa ra sa luwas na kahimtang.
Wala pa masayri ang motibo sa maong pagpamanhig dali usab nga naglusad og hot pursuit operation ang kapulisan sa lungsod sa Pitogo lakip nga gisuta ang matang sa armas nga gigamit sa mga suspetsado.

Facebook Comments