General Santos City–Gipanghimakak ni Malapatan Mayor Alfonzo Singcoy ang mga migulang balita nga usa siya sa nakabinipisyo sa kwarta sa Municipyo nga matud pa iyahang gigamit sa iyahang pagpakasal og birthday celebration rason nga wala nila ma liquidate ang mukabat sa 64 million nga budget sa Municipyo.
Kahibaluan nga gibulabog kaniadto sa usa ka freeman Malafatan gamit ang social Media nga facebook nga gipahimuslan sa pipila ka mga opisyal sa Malapatan og usa nga gipunterya mao si Mayor Alfonzo Singcoy ang nakabinipisyo sa minilyong mga cash advances.
Nasuta sa RMN Gensan subay sa mga migulang report sa Sangguniang Bayan sa Malapatan nga adunay mga cash advance nga miabot sa 64 million pesos kung asa ang anak niini nga si Israel Singcoy nga maoy kasamtangang Municipal Administrator ang migastos og nagpagawas sa maong pundo sa Munisipyo.
Aminado ang Mayor nga gikasakit niini ang gihimo sa iyahang anak og personal niining gipakigkitaan ang anak og giklaru kung asa nahiadto ang maong milyones ka pesos nga kwarta sa gobyerno.
Sa mga datus nga migula sa Sangguniang Bayan sa Malapatan nakita nga sukad kaniadtong May 29, 2017 hangtod August 3, 2017 miabot sa 38 ka beses ang nahitabong cash advances ni Israel Singcoy nga miabot sa 27,148,981 Million og kang Mayor Alfonzo Siongcoy ang miabot usab sa 8,748 Million pesos nga wala pa ma liquidate. (Kasamang Emir Bariguit)
