Bisan sa nahitabo nga pag-ambush kanila ,way nausab sa plano ni San Fernando Mayor Lakambini Reluya nga magpasubli sa pagkamayor sa lungsod .
Si Reluya nihulagway nga barbaric ang nahitabo nga pag-ambush kanila nga gikamatay sa iyang bana nga si Panadtaran Barangay Kapitan Ricardo Nonoy Reluya Jr. ,tourism officer nga si Ricky Monterona ug sa driver nga si Allan Bayot .
Nalipay si Reluya nga mismo ang Malacañang ug ang PNP Chief nga si Director General Oscar Albayalde ang nimando sa iyang mga sakop sa Sugbu nga humanon sud sa duha ka semana ang imbistigasyon sa ambush .
Subay niini matud ni Reluya ang suporta ug pagmahal sa ilang mga higala , supporters ug molopyo sa San Fernando ang naghatag kaniya ug igong kalig-on aron atubangon ang mga pagsuway sa ilang kinabuhi karon .
