Davao City – Gidasig ni Davao City Mayor Sara Duterte, ang katawhan nga mag-ampo tungod sa nasinatiang krisis sa coronavirus (COVID-19) karon.
“Kitang tanan whatever our faith is, whatever our religion is, bag-o ta matulog mag-ampo tang tanan og milagro. Let’s pray for a miracle nga mawala na gyod ning (COVID-19) sa atong community,”
Gipasabot sa Mayor, mobalik lang sa normal ang kinabuhi pinaagi sa bakuna segon sa World Health Organization (WHO).
“Naluya ko pagkabasa nako sa giingon atong United Nations nga bakuna ra pa gyud ang magpabalik sa atoa sa normal and layo pa kaayo naa pa sa hangin ang bakuna karon, wala pa na discover,”
“There was a point dili nako maka-remember kung unsa nga adlaw sultian ta mo, nakahilak gyod as in pirti nakong hagolgol og hilak. Naka-feel ko’g hopelessless sa situation kay pananglitan naay magkasakit unya naa na pod syay matakdang tulo kabuok, upat kabuok…naka-ana ko dili naman gyod tingali ni siya mahuman,” segun ni Mayor Sara.
Giingon sa Mayor, dakong hagit ang pagkab-ot sa gitinguhang usa ka bulang zero positive sa mga kaso sa coronavirus sa mga Doctor ug pagputol sa ‘chain of infection’.
“Huna-hunaa nalang unsa ka lisod na i-achieve ang isa ka bulan nga zero positive in an area where are 4 million ka inviduals,”
Giklaro niya, ang pagtuman sa mando sa mga Doctor maoy himoon tungod kay sila ang labing nasayod sa pamaagi sa pagkontrola sa impeksyon.
RadyoMaN Aimee Guinita
