Davao City – Naghinamhinam na ang mga Davaoeños ug supporters ni Davao City Mayor Sara Duterte-Carpio sa sunod nga lakang niini human kini pormal na nga nanumpa isip miyembro sa Lakas-Christian Muslim Democrats (Lakas-CMD) political party.
Kagahapon sa gabii (Novembe 11, 2021) dihang gikumpirma mismo ni Mayor Sara nga miyembro na kini sa Lakas-CMD, pila ka oras human ang pag-resign sa alkalde sa regional political party nga Hugpong ng Pagbabago (HNP), nga gikumpirma ni HNP Secretary General Anthony Del Rosario.
Sa resignation letter ni Mayor Sara, dated November 10, 2021, nasubo kini sa maong desisyon apan gipasalamat niini ang iyang mga natun-an sa HNP ug padayon ang iyang suporta sa regional political party.
“It is with profound sadness that I hereby tender my resignation from our beloved party. My support will always be with you and I will always be grateful for all the things you have taught me,” mensahe sa alkalde.
Dako ang pagtuo sa netizens nga mag-tandem si Presidential aspirant Bongbong Marcos ug Sara labi na nga nagkuyog ang duha isip ninong ug ninang sa kasal sa anak ni Senador Bong Revilla sa Cavite.
“Pag kini ang mag partner, ensured na ang pyuturs pinas [sic],” kumento ni Lhorvie Jen Mendoza Lubiano sa DXDC 621 RMN Davao Facebook page.
Samtang, atol sa wedding celebration, wala nay kumento pa si Duterte-Carpio sa Media sa hisgutanang politika, gawas lang sa pagpasalamat sa padayong nagasuporta kaniya.
“Nagpapasalamat ako sa mga supporters ko and I hope na kung ano mang mga mangyari sa mga sumusunod na mga araw ay maibigay ko sa kanila kung ano yung gusto nila,” mensahe ni Duterte-Carpio.
Nasayran nga sa November 15, 2021 na ang deadline sa withdrawal ug substitution sa mga mukandidato alang sa 2022 National ug Local Elections.
RadyoMaN Kirby Manzon
