Mayor Sara, nanamilit sa Dabawenyo, nagpasalamat sa iyang natun-an isip public servant sa Davao

36

Davao City – Dili masukod ang pagpasalamat ni Davao City Mayor Sara Duterte-Carpio sa mga Dabawenyo sa ilang suporta sa iyang pagdumala sa dakbayan sa Davao.

Atol sa pakig-istorya niini sa mga tribal leader sa Marilog District, Davao City kagahapong adlawa (November 17, 2021), gisaysay niini nga dako og tabang ang suporta sa katawhan ilabi na sa mga residente sa syudad aron siya mamahimong lig-on ug andam sa iyang sunod pa nga lakang sa pagpanerbisyo sa katawhan.

“Niagi ko sa inyong mga kamot. Dili siguro ko mamahimong kusgan ug andam nga mubiya diri sa atoang syudad sa Davao ug muatubang sa atoang mga kaigsoonang Pilipino sa tibuok nasud. Salamat!” sulti sa mayor.


Dugang ni Mayor Sara, daghan siya og nakat-onan sa iyang pagka-public official sa City Government of Davao ug kini dili mabayran og pagpasalamat.

“Bisan pa man og ka-million ko mag-thank you, dili gihapon na makabayad sa inyuhang gihatag sa akoa nga life lessons ug wisdom sa akoang papanerbisyo dinhi sa syudad sa Davao. Salamat sa inyuhang tanan,” matud sa alkalde.

Magpapili pagka-bise presidente si Duterte-Carpio ug ang suporta usab sa katawhan ang nagtukmod kaniya aron nga mukandidato sa national position sa umaabot nga piniliay sunod tuig, 2022.



RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments