![MAYOR-SARA-DUTERTE-](https://i0.wp.com/rmn.ph/wp-content/uploads/2017/08/MAYOR-SARA-DUTERTE-.jpg?resize=696%2C409&ssl=1)
Davao City-Nangayo og pasaylo si Davao City Mayor Inday Sara Duterte-Carpio ngadto sa mga biktima ug sa mga kabanay sa Roxas Night Market Bombing gumikan sa nadangatan sa ilang minahal sa kinabuhi.
Atol sa usa ka tuig nga paghinumdumon sa Night Market Bombing, gipangayo ni Mayor Inday Sara ang pasaylo sa mga survivors tungod sa nahitabong pagpamomba nga nagresulta sa kamatayon ug pagkaangol sa ilang mga minahal sa kinabuhi.
Wala gitago sa Mayor nga nauwaw kini ngadto sa mga survivors ug maoy hinungdan ngano wala na kini mihatag og mensahe sa gihimong unang pagmisa alang sa mga namatay dungan sa pag-abli sa memorial bombing sa dalang Roxas sa miaging tuig.
Gipasalig sa Inahan sa dakbayan nga magpadayon ang suporta sa lokal nga kagamhanan ngadto sa mga nabiling pamilya ug pagpatungha sa mga anak maingon man sa mga naputlan og tiil ug sa padayon pa gitambalan.
Subay niini, gipasalamatan ni Mayor Inday Sara ang tanang sektor sa katilingban nga mitabang ug misu-porta sa lokal nga kagamhanan diha sa pagtabang sa mga pamilya ug mga kabanay sa Roxas bombing.
Pikas, gibutyag sa usa mga survivors nga nakalatas na sila sa sakit nga ilang gibati human nabiktima ang mga kabanay sa pagpamomba sa mga terorista sa Night Market ug padayon sila mubarog kontra terorismo.
Kasamang Joel Viray