Mayor Sara nanguna na sa 124th PH Independence Day rites

Davao City – Giawhag ni outgoing Davao City Mayor ug Vice Presidente (VP)-elect Sara Duterte-Carpio ang katawhan nga dili kalimtan ang mga kalisod nga naagian sa nasud ug mga Pilipino sa pagkab-ot sa kagawasan sa Pilipinas.

Kini ang tipik sa nahimong mensahe sa alkalde sa pag-selebrar sa ika-124 ka tuig nga Philippine Independence Day kagahapong adlawa (June 12, 2022) diin nanguna si Mayor Sara sa aktibidad nga gihimo sa Davao City Hall Complex.

Matud ni Duterte-Carpio mahinungdanon ang paghatag og bili kung unsa ang nakab-ot karon sa nasud ug kini angayan nga ampingan.

“We value more what we have today and that we cherish it, treasure it, and take care of it,” tipik sa mensahe niini.

Nitambong usab sa maong programa ang City Government of Davao Department Heads, Philippine National Police (PNP) members, Task Force Davao, Bureau of Fire Protection ug ang Philippine Navy.

RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>