Mayor Sara: Pagsuot og face mask magpabiling mandatory

Davao City – Walay plano ang City Government of Davao nga himuong optional ang pagsuot og face mask bisan sa well-ventilated ug open spaces.

Sumala ni Davao City Mayor Sara Duterte-Carpio (sa interbyu sa city-owned radio), magpabilin nga mandatory ang pagsuot og face mask diin kini nakalatid usab sa Executive Order (EO) No. 11, Series of 2022 sa Local Government Unit (LGU) Davao.

“Sa atoa diri (sa Davao), wala ‘tay discussions with regard to sa pagbuhat og optional wearing sa face mask. Ginahulat nato niana sa Department of Health,” tataw sa alkalde.

Samtang, nanghinaut si Duterte-Carpio nga makabalik na usab tanang negosyo sa dakbayan human nga gianunsyo sa Inter-Agency Task Force (IATF) on the Management of Emerging Infectious Disease nga mamahimo nang maka-operate 100% capacity ang mga establisemento basta maka-presenta lang usab og proof sa full vaccination batok Coronavirus Disease 2019 (COVID-19).

RadyoMaN Kirby Manzon