Mayor Sara planong mag quarantine sa TTMF

32

Davao City – Buot karon ni Davao City Mayor Sara Duterte-Carpio nga mubalhin sa Temporary Treatment and Monitoring Facility (TTMF) alang sa iyang padayong quarantine human kini naabot gikan sa Singapore.

Segun sa Alkalde, buot niining masaksihan ang sistema sa quarantine facility sa syudad ug ang kaandam niini sa padayong response sa lokal nga gobyerno batok Coronavirus Disease 2019 (COVID-19).


“Kinahanglan ko mag undergo og 14-day quarantine. Actually, gaplano ko nga mubalhin sa atoang TTMF kay tan-awon nako ang sistema didto kung unsa sila kaandam. Akoa nang i-consider sa akong 14-day quarantine,” matud niini.

Gibutyag sa Mayor nga walay angay ikabalaka ang publiko tungod kay himsog kini ug maayo ang kondisyon sa iyang panglawas.

“Dunay nangutana about my health condition. I am perfectly healthy. Wala poy problema sa akoa,” sulti sa Mayor.

Gibutyag ni Duterte-Carpio nga ika-4 ka beses kining muadto sa Singapore alang sa personal health management nga gisudan niadtong Oktubre 2020, karong Abril 2021 ug sa umaabot nga bulan sa Oktubre karong tuiga ug Abril sa sunod tuig.



“Connected ‘to siya sa akoang lakaw last October. So upat na siya ka visit didto sa Singapore. It started October 2020, kung naka-remember mo nag leave ko. Then karong April 2021, then another on October 2021, then April 2021. Ma-expect na ninyo akong leave.”


RadyoMaN Kirby Manzon

Facebook Comments