Davao City – Pirteng lingawa sa tanang mga trabahante sa lokal nga panggamhanan atol sa Araw ng mga Empleyado 2018 nga gipahigayon sa Rizal Park ning dakbayan sa Davao. Mismong si Davao City Mayor Sara Duterte-Carpio ang nitunol sa mga papremyo ug cash prizes ngadto sa mga nidaog sa nagkadaiyang mga kalingawan atol sa maong selebrasyon. Nagpasalamat si Mayor Inday sa tanang mga empleyado sa ilang pagkamatinahuron, pagkakugihan, pagkamatinud-anon sa ilang mga trabaho ug sa ilang padayon nga pag suporta sa lokal nga panggamhanan. Ang tanang mga departamento ug mga opisina nagtigi sa City Hall Got Talent, Larong Pinoy, on the spot poster making contest ug Tyanggihan sa Rizal Park . Ania ang mga mananaog sa mga aktibidad sa Araw ng mga Empleyado 2018: City Hall Got Talent Nagkampyeon ug nidawat og P15,000 nga cash prize ang beat boxer sa City Transport and Traffic Management Office nga si Renzo Marc Colina, 1st runner-up ug ganti nga P10,000 ang gitunol sa mga komedyante sa Sangguniang Panlungsod nga sila James Carreon ug Lucelyn Cena, 2nd runner-up og P10,000 nga cash prize ang nadawat sa singer nga taga-City Social Services and Development Office. On the spot poster making contest: Champion (P10,000 cash prize) : Sangguniang Panlungsod 1ST runner-up (P7,000 cash prize) : City Transport and Traffic Management Office 2nd runner-up (P5,000 cash prize) : City Mayor’s Office RadyoMaN Aimee Guinita tags: DXDC 621 RMN Davao
