Taliwala sa panagsumpaki sa kamara kalabot sa House Speakership, nagpulong sila Davao Mayor Sara Duterte ug Marinduque Rep. Lord Allan Velasco sa Davao City.
Wala na nagkomento si Mayor Sara sa nahitabong pulong niadtong Biyernes. Kahinumduman nga si Mayor Sara ang nag-endorso kay Velasco isip speaker niadtong nilabayng tuig.
Gikatakda nga mopuli si Velasco kay House Speaker Alan Peter Cayetano sa Oktubre 14, apan napugngan kini human nga magsuspinde si Cayetano og sesyon sa plenary gikan Oktubre 7 hangtud Nobyembre 16.
Niadtong Biyernes, mismong si President Duterte ang nagmando sa kongreso nga magpahigayon og upat ka adlaw nga special session gikan Oktubre 13-16, kung asa posibleng mahimong hinungdan aron makalingkod si Velasco isip bag-ong House Speaker.
