Gipasabot sa alkalde, tungod kay nagpabiling dili mandatory ang vaccination batok COVID-19, adunay kagawasan ang nahisgutan nga mangampanya ilabina kadtong dili mupabor sa pagbakuna sa ilang mga anak nga menor de edad o ang 5-11 years old.
Hinuon, matud ni Mayor Sara, dinhi sa syudad ubay-ubay na ang nabakunahan diin anaa na sa 1.3 million ang nakakuha sa ilang 1st dose sa bakuna ug kapin 80% na usab sa herd immunity ang fully vaccinated batok COVID-19.
“Since dili man mandatory ang atong (COVID-19) vaccination and naa ‘tay the right to freedom of speech, walay makapugong sa mga anti-vaxxers nga mangampanya nga dili magpabakuna sila or ang ilahang mga anak. What is important to emphasize on is that, 1.3 million of our population has already gotten their 1st dose and atoang 2nd dose is at 84% already,” sulti sa alkalde.
Matud ni Duterte-Carpio, tataw ug makita sa numero nga dako ang tabang sa bakuna sa pagpaubos sa COVID-19 cases sa dakbayan.
Kahinumdumang adunay grupo nga nagtaud og billboard sa syudad aron paghatag og awareness sa ginikanan una modesisyon nga pabakunahan ang ilang mga anak, diin ilang gibarogan usab nga dili sila anti-vaxxers.
RadyoMaN Kirby Manzon
