Nagahatag sang reward si Mayor Segfred Betita sang Carles, Iloilo gamit ang iya personal nga kuwarta para sa sin-o man nga makatudlo sang mga drug pushers sa ila banwa.
Ginpahayag ni mayor Betita nga antis pa man nagguwa ang ideya nga maga-amot amot ang mga LGU’s sang kantidad para sa reward sa sin-o man nga makatudlo sa drug group leader sa probinsya, naghingyo na siya sa sangguniang bayan sang carles nga pasugtan siya nga gamiton ang Intelligence fund sang banwa para sa reward system.
Subong man, wala pa ini maaprobahan sang ila konseho bangud magaagi pa sa madamo nga proseso.
Bangud sini, agud maengganyo ang mga pumuluyo nga magkooperar sa mga pulis, siya na lamang ang nagahatag sang reward.
Ginhatagan pagtamod ni Mayor Betita nga nagahatag siya sang 10 mil tubtub 20 mil pesos para sa low value target kag 20 mil tubtub 50 mil pesos ang iya ginahatag nga reward para sa high value target nga madakpan.
