Pulis nga miyembro sa SWAT, gidunggab

Davao City- Nasamad ang walang bukton ni PO2 James Silvano, 35 anyos, SWAT nga naka destino sa Calinan PNP ug residente sa Pag-ibig Catalunan Pequeno, Davao City, human dunggaba sa wala pa mailhing suspetsado alas 9:30 sa kagabhion.

Sa blotter sa Tugbok PNP, gibuyag lamang ni PO2 Silvano ang lima ka mga lalaki tungod kay wala matarong pagparking ang tricycle atubangan sa Jaokiks Videoke Bar sa mintal apan nasuko ang usa sa mga suspek ug kalit lamang mibunot og ice pick dayong dunggab sa biktima.

Sa dihang nakamatikod ang mga suspek nga nakabunot na ang biktima sa iyang service fire arm paspas usab nga nanagan padung ngadto sa wala na matino nga direksyon.


Ang biktima daling gidala sa Southern Philippines Medical Center samtang kapulisan sa Tugbok naghimo na og hot pursuit operation batok sa mga suspetsado.

Erin Lumosbog

Facebook Comments