Gisalig na ni Iligan Mayor Frederick Siao sa Diyandi 2022 Executive Management Board (EMB) ang pag-imbestigar ug pagdesisyon sa dangatan sa Iligan Music Festival (IMF) human ang kontrobersyal nga promosyon sa organizers sa ilang event.
Sumala ni Mayor Siao, dako iyang pagsalig sa kapasidad sa EMB sa pagtuon ug pagdesisyon sa dangatan sa IMF ug kung unsay labing maayo alang sa mga Iliganon.
Nag-awhag usab siya sa katawhan nga huna-hunaon pag-ayo ang mga pulong nga gamiton online ilabi na nga dako ang impluwensya sa social media sa paghulma sa pamatasan sa mga batan-on.
Nangayo na og pasaylo sa publiko ug kang Mayor Siao ang mga organizers sa event.
Gi-angkon nila nga nagkulang sila sa paghashas sa mensahe sa ilang promosyon. Dili LGU-sponsored event ang Iligan Music Festival.
Gilauman nga mopagawas usab og pahayag ang EMB human sa ilang pagpatawag sa organizers sa IMF.
Facebook Comments
