Iligan City – Nakabaton na usab ug laing natun-an ang pipila ka mga sakop sa prensa sa tibook Mindanao atol sa ilang gisalmutan nga Holistic Safety Training nga gipasi-ugdahan sa National Union Journalist of the Philippines kun NUJP.
Gikan sa nagkalain-laing lugar sa pulo sa Mindanao ang misalmot sa lima ka adlaw nga training nga didto gipahigayon sa usa ka resort sa Initao Misamis Oriental.
Matud ni Jonathan De Santos, ang Chairman sa NUJP nga gituyo nila sa paghatag ug training alang sa mga prensa aron luwas sila sa pagpahigayon sa ilang trabaho.
Dugang ni De Santos, angayang hatagan ug dakung pagtagad ang seguridad sa mga prensa tungod sa ka delikado sa ilang mga trabaho.
Gipasalig ni De Santos nga laumang aduna pay laing mga mosunod nga training alang sa kaayohan sa mga sakop sa prensa dinhi sa nasud sa Pilipinas. (Sassy Beltran, RMN-dxic Iligan Trainee)
Facebook Comments
