SYUDAD sang Iloilo – Handa si mayor Jerry Treñas nga kasuhan ang mga barangay officials nga mapaslawan nga makapatuman sang clearing sa ila nasakupan.
Suno sa alkalde kaupod sa Department of Interior ang Local Government (DILG), pagakasuhan nila ang mga opisyal sang barangay nga indi makatinlo sang mga obstructions sa ila nasakupan pag-abot sang deadline sa Setyembre 29.
Nahibaluan nga ginbuyagyag ni ASIS division head Love Joy Hosenilla nga may mga barangays nga wala nagtuman sang ila pangako nga boluntaryo nga idemolish ang ila barangay hall nga ara sa road right of way.
Natalupangdan man nga gilayun nagabalik sa ila lugar ang mga obstructions nga ginapangkakas sang Public Safety and Transportation Management Office makalipas ang pila ka adlaw.// via Joel Franco Reports
Photo via PSTMO
