Mayor vallecer nagpasalamat nga dali ra usab naka bangon human nga giigo sila sa kalamidad niadtong miaging tuig ilabi na ang pagbaha sa pipila ka mga barangay sakop sa lungsod sa Roxas ning atong probinsya sa Zamboanga del norte.
Kahinumduman nga niadtong miaging tuig Enero 16 gihapak sila sa makusog nga baha apan sa wala madugay naka recover dayon sila uban sa tabang sa lokal nga panggamhan ug sa provincial government sa paghatag ug mga ayuda sa mga naigo sa kalamidad.
Wala kaayo nalad-an ang maong lungsod tungod kay wala pa kaayo’y mga dagkong istruktura ug mga dagkong balay, hinungdan nga gipasalamatan sa amahan sa maong lungsod ang dali nga pagkabakod nila gikan sa pagkalukapa sa kalamidad.
Sa susamang tuig kahinumduman nga gibalikan man usab sila ug baha pero wala nay mga natal nga dagkong danyos tungod kay nakapangandam naman ang katawhan sa ilang tagsa-tagsa ka mga area human sa kanunayng pagpahigayon ug mga pagbansay-bansay pinaagi sa lokal disaster risk reduction and management council (LDRRMC). Hinuon niadtong bulan sa desyembre human nga gibaha sila pagbalik wala nay casualty sa baha gawas lang sa nahitabong pagdahili sa yuta didto sa bikirong bahin sa maong lungsod.
Kung ikumpara ang baha sa bulan sa Enero ug desyembre mas dako pa ang tubig niadtong disyembre tungod kay mi apaw ang tubig sa Piao River. Pero sa gikaingon ni Mayor Vallecer nga sa kaalerto sa mga katawhan uban sa ilang nabansay –bansay kun unsay buhataon kung adunay kalamidad nga moigo sa ilang lugar.
