*General Santos City— Gi-angkon ni Gensan City Mayor Ronnel Rivera nga hinay-hinay ng nagasulod ang ubang ahensya sa gobyerno sa hisgutanang pag-abli o ipabiling isirado ang gensan airport sa mga commercial flight.*
*Pamahayag niya nga bisan pa man ug adunay executive order ang lokal nga panggamhanan, dili makabuot ang mayor sa operasyon sa airport gumikan nagkinahanglan gihapon kini ug clearance sa Civil Aviation Authority Of The Philippines o CAAP ingon man sa regional ug national inter-agency task force.*
*Pagpaklaro niya nga bisan pa man ang pagpahigayon ug repatriation sa mga stranded nga mga kababayan ang kinahanglan pang ipananghid sa maong mga ahensya.*
*Dugang pamahayag ni Mayor Rivera nga hugot ang baruganan sa lokal nga panggamhanan sa Gensan nga dili una ablihan sa commercial flight ang Gensan Airport, apan wala matud pa silay mahimo higayon nga tugutan sa national inter-agency task force on covid 19 ang mga commercial flight.*
