Hindi bulaklak…kundi pera ang gustong matanggap na regalo ng karamihan sa mga Pinoy ngayong Valentine’s Day.
Batay sa survey result ng Social Weather Stations (SWS) na isinagawa noong December 8 hanggang 11, 2023, nanguna ang pera na may 16% na sinundan ng love and companionship na may 11%.
Pangatlo naman ang bulaklak na may 10% at apparel o damit na may 9%.
Ilan pa sa nabanggit ng mga lumahok sa survey ay cellphone, relo, alahas, masayang pamilya, at anumang regalo na bukal sa puso.
Lumabas din sa kaparehong survey na 58% ng mga Pinoy ang masaya sa kanilang love life habang 23% ang nagsabing gusto pa nilang sumaya at 19% naman ang walang love life.
Kabuuang 1,200 na adult Filipino mula sa Metro Manila, Balance Luzon, Visayas at Mindanao ang lumahok sa nasabing pag-aaral na isinagawa sa pamamagitan ng face-to-face interview.
