Maysa a Lalaki, Natukkol ti sakana kalpasan a nadisgrasia iti By-pass Road

312

iFM Laoag – Natukkol ti saka ti maysa kadagiti biktima ti pannakatinnag ti maysa a mixer truck iti Bypass Road, paset iti ili ti Bacarra, Ilocos Norte.

Manarimaan a maag-agasan iti agdama isuda; Mr. Kevin Villegas, pahinante ti truck, agtawen duapulo ket tallo (23) taga Brgy. San Pedro, Sarrat, Ilocos Norte ken iti nangimaneho ti mixer truck a ni Mr. Erick Fiesta agtawen uppat a pulo ket tallo (43) taga Brgy. San Juan iti metlaeng Sarrat, Ilocos Norte, iti Mariano Marcos Memorial Hospital and Medical Center iti Batac City, Ilocos Norte .


Basar ti Information Center iti ospital immunada a naitaray iti Governor Roque B. Ablan Senior Memorial Hospital iti siudad ti Laoag sakbayda a naiyakar dagitoy.

Segun ti inisial nga imbestigasion ti PNP-Bacarra nadistrongkar ti truck rason a naawanan daytoy ti balanse a nangitunda ti pannakatinnagda iti kataltalonan nga umabagatan a direksion iti Bypass Road.

Iti agdama unconcious ti driver a ni Mr. Fiesta, idinto a nabullo ti akin kannigid a saka ni Mr. Villegas.

Agtultuloy ti imbestigasion ti PNP-Bacarra mainaig iti napasamak a disgrasia.

Joe Anne Agustin, RMN News

Facebook Comments

From Advertisers