31 ka oras nga pagkapalong sa tubig ang masinati sa mga konsumidor sa Metropolitan Cebu Water District sa pipila ka bahin sa Talisay City ug Cebu City karong Marso 15 ngadto sa Marso 16.
Kini ang gipahibaw sa MCWD tungod sa nagpadayon nga repair sa nag-leak nga tubo sa Tabunok, Talisay ug interconnection sa bag-ong giamontar nga MCWD pipe sa N. Bacalso Avenue, Dakbayan sa Sugbo.
Matud sa MCWD nga ang 31 ka oras nga low water to no water supply gitumong alang sa pag-improve pa sa supply sa tubig sa MCWD sa mga apektadong area.
Ang mga lugar nga apektado mao ang Talisay City, Bulacao, Inayawan, Cogon Pardo, Kinasang-an, Mambaling, some parts of Basak San Nicolas, Duljo, Sawang Calero, Pasil, Suba, some parts of San Nicolas Proper, Pahina San Nicolas, Ermita, Kalubihan, Sto. Niño, San Roque, Sanciangko, Colon (downtown area) ug Cebu City.
Tungod niini, ang MCWD niawhag sa ilang konsumidor pagpundo og tubig aron maminusan ang kahasol samtang ipatuman ang water interruption.
