MDRRMO: Naguba’ng tulay sa Mawab gina-repair na

Davao City – Gipapaspasan karon sa Provincial Government of Davao de Oro pinaagi sa Department of Public Works and Highways (DPWH)-XI ang pag-repair sa naguba nga tulay sa Purok 3, Poblacion Mawab, Davao de Oro tungod sa sagunson nga pag-ulan epekto sa Low Pressure Area (LPA).

Sa interbyu sa DXDC RMN Davao kang Ruel Helicame, head sa Municipal Disaster Risk Reduction and Management Office (MDRRMO) Mawab, ginapadali karon sa contractor ang pag-repair sa tulay labi na nga daghang residente ang apektado sa pagkaguba sa imprastraktura.

Giklaro ni Helicame nga usa ka makeshift o temporaryo lamang ang maong tulay samtang ginatukod ang usa ka dakong tulay sa lugar.

“Actually, kanang maong tulay nag-connect na siya sa Barangay Sawangan, Barangay Conception, Barangay Nueva Visayas diri sa lungsod sa Mawab. Unya, alternate route pud na siya kung muadto ka sa LGU Maco. Mura’g connecting LGU Mawab and LGU Maco,” sulti sa MDRRMO official.

Sa pagkakaron, pwede nga maagian sa tawo ang tulay apan dili pa pwede nga makaagi ang mga sakyanan, samtang kini gina-repair.

Wala usay naapektuhang indibidwal atol sa pagkaguba sa maong tulay, matud sa MDRRMO Mawab.

RadyoMaN Kirby Manzon