Panit-an, Capiz- Padayon ang monitoring sang talatapan sang MDRRMO Panit-an angut sa na-eksperiensyahan nga pagbaha sa pila ka kabarangayan sa amo nga banwa.
Base sa report nga ginpaguha snag nasambitan nga opisina, 12 na ka mga kabarangayan ang apektado sang baha. Ini ang ginalakipan sang Barangay Agkilo, Ambilay, Balatucan, Bangga-an, Cabangahan, Cabugao, Cadio, Cala-an, Concencia, Bahit kag Barangay Pasugue, Panit-an.
Suno kay MDRRMO head Mark Dumol, gina-ekspektar nga madugangan pa ang numero sang mga kabarangayan nga maapektuhan sang padayon nga pagsaka sang lebel sang tubig.
Iya man nga ginpanugyan sa mga residente nga likawan ang paglusong sa tubig baha agud nga malikawan ang aksidente sang pagkalumos kag iban pa nga balatian kapareho sang leptospirosis.
Samtang padayon man ang ila nga pagpakig-angot sa tanan nga mga kapitan sa kabarangayan para nga ma-monitor ang sitwasyon sa bilog nga banwa sang Panit-an.
