Sigma, Capiz- Ginkumpirmar sang Operation Officer sang MDRRMO – Sigma nga si Mr Leonard Compuesto nga kapin sa 16 na ka mga kabarangayan sa amo nga banwa ang naapektuhan sang pagbaha.
Ini ang ginalakipan sang mga kabarangayan sang Acbo, Amaga, Balucuan, Bangonbangon, Capuyhan, Cogon, Dayhagon, Guintas, Mangoso, Matangcong, Oyong, Pagbunitan, Pinamalatican, Poblacion Norte kag Sur kag Barangay Tawog, Sigma, Capiz.
Suno sa iya nga kadam-an sa mga ini nga kabarangayan, ginta-op sang baha ang ka-umhan samtang may mga dalanon man ang ‘not passable’ sa mga magagmay nga salakyan.
Samtang baroto na lamang ang ginasakyan sang mga residente nga magahalin sa Barangay Dayhagon patabuk sa Barangay Cogon, Sigma kun sa diin 20 – pesos ang plete sang tagsa ka pasahero.
