Measles rubella vaccination sa South Cotabato ginpalawig pa sang duha ka adlaw.

Ginpalawig pa sang duha adlaw ang measles rubella vaccination sa probinsya sang South Cotabato nga magatakop kuntani sa Nobyembre 25 subong nga tuig.
Suno kay South Cotabato Provincial Health Officer Dr. Rogelio Aturdido Jr, ini ang base naman sa pagkonsulta sa ila lang sang Regional Director sang Department of Health (DOH)12 nga palawigon pa ang pagbakuna sa mga kabataan bangud yara pa lang sa 83.1 % ang nabakunahan nga mga bata nga yara sa 0 tubtub 59 months old sa bug-os nga rehiyon.
May-angot sini, magalawig tubtub sa Byernes nga adlaw, Nobyembre 27, 2020 ang measles rubella immunization sa mga kabataan sa probinsya.
Samtang sa South Cotabato yara na sa masobra 91% ang mga bata nga ila sini nabakunahan.