Davao City – Padayon ang imbestigasyon sa Department of Agriculture (DA)-XI ug sa Municipal Agriculture’s Office sa gigikanan sa insidenteng pagkamatay sa duha ka baboy sa Barangay Buenavista, Bansalan, Davao del Sur gumikan sa African Swine Fever (ASF).
Matud ni Engr. Ricardo Oñate, DA-XI Regional Director nga usa sa mga lakang karon mao ang paghimo og tracing tungod sa impormasyon nga adunay grupo gikan sa Davao Occidental nga miadto sa maong lugar kung asa natala ang kaso sa ASF.
Gipatuman usab karon ang ‘1-7-10’ kilometer radius protocols sa Barangay Buenavista human sa insidente.
Samtang, gikatakdang pulongon sa LGU-Bansalan ang mga hog raisers sa maong barangay sa himuong depopulation aron malikayan nga mukatag pa ang ASF sa kasikbit nga lugar.
Kahinumduman nga sa Davao Occidental natala ang unang kaso sa ASF outbreak sa rehiyon niadtong Pebrero karong tuiga.
RadyoMaN Kirby Manzon
