Katipunan Z.N – Naka-angkon ug head injury ang driver sa truck human sa nahitabong disgrasya kagahapon bandang alas 4:00 sa buntag sa may national highway Purok 5, Brgy. Dos lungsod sa Katipunan, Zamboanga del Norte atol sa independence day.
Sa nakuhang report sa RMN Dipolog naila ang driver nga si Mark Angeles 20 anyos, samtang sakay ang mga pahenante mao sila Robert Angeles, Jerick Francisco, Jovanne Torres, tanan polos taga Brgy. Tetuan Zamboanga City.
Nasayran ang isuzu meat van truck kolor puti gikan sa dakbayan sa Zamboanga paingon unta sa Plaridel tabok sa Tagbilaran bohol apan sa ilang pagabot sa dapit.
Wa matud pa kabantay ang maong driver sa potol nga karsada, agi sa road widening, hinongdan nabulasot ang tuong bahin sa mga ligid niini ug nabongad ang i-beam sa ilawom nga nideretsong na-ungad sa kanal.
Ang driver nga si Mark Angeles maoy nagrabihan human naigo sa boak nga wind shield ang tuong mata hinogdan gidala sa tambalanan sa dakbayan sa Dipolog.
Samtang ang tulo ka pahenante nakahiagom lang sa minor injuries.
Sa interview sa RMN Dipolog sa pahenante nga si Torres nibutyag nga wa makatag-pilaw ang ilang driver kon dili ang kakulagon sumala pa sa road warning sign sa potol nga pagsamento sa karsada diin wa tagad nila nabantayan nisangpot sa maong disgrasya.
