TACLOBAN CITY – Haros 5 ka oras naghinulat an media ha gawas han Department of Environment and Natural Resouces o kunDENR Regional Office 8 ha pag abot ni DENR Sec. Roy Cimatu kanina pero ha iya pag abot waray hiya umatubang ha media.
Bis pa man nakasakob na an media ha DENR building, umatubang lugod ha amon hi DENR Region 8 Information Officer Maita Reina Sucgang, sumala ha iya diri pwede mag cover an media ha pag abot ni Sec. Cimatu. Waray man liwat may ginhatag nga rason hi Sucgang kun kay ano diri allowed an media ha pagkanhi ni Cimatu.
An tuyo daw ni Sec. Cimatu ha iya pagbisita an makilala niya an mga empleyado ngan personnel han mao nga buhatan.
Waray naman baton ha pagpakiana han media kun ano pa iton tuyo ni Sec. Cimatu ha iya pagbisita.
Sanglit nan-gawas tanan nga personalidad han media ha sakob han DENR Regional Office 8 building.
Mahihinumduman nga aada na ha DENR Region 8 an mga dokumento han Hinatuan Mining Corporation para hira utro in makapagtikang ha pagmina.
Ha nakuha nga impormasyon han RMN News team, kumadto hi Sec. Cimatu ha ha Hinatuan Island ha Manicani Guiuan, Eastern Samar antis pa man pumakadto ha DENR Regional Office.
