Davao City – Swerteng nakalingkawas sa kamatayon ang usa ka iladong radio personality ug Davao del Norte Provincial Information Officer nga si Pat Lucero Pacquaio human kini gi-ambush karon lang buntag sa Tagum City.
Atol sa media interbyu niini samtang naka wheel chair, saysay ni Lucero nga samtang kini sakay sa iyang sakyanan gikan sa gitrabahuang stasyon ug pauli sa balay niini sa Kasaway Building, Tagum City, kalit na lamang kining gipabuthan sa riding in tandem sa pipila ka higayon gamit ang wala matino nga armas.
“Paminaw ko gisundan ko sa gikan sa among stasyon.. Wala gyud ko kabalo nga gisundan ko,” saysay niini.
Butyag niini nga gipikhan niya sa iyang programa ang hisgutanan labot sa issue sa TADECO dayon nahitabo ang ang pagpangambush.
Sa pagkakaron padayong nagpaalim sa Medical Mission Hospital samtang ang kapulisan nagpadayon sa imbestigasyon aron mailhan ang nagpaluyo ingon man motibo sa pagbuhat sa maong krimen.
RadyoMaN Jason Amisola
