Malipayon nga gipahibalo ni Mario Pelisco ang branch manager sa Philippine Charity Sweepstakes Office kon PCSO sa Bukidnon nga nakasugakod ang ilang medical assistance program sa mga panahon nga temporaryong giundang ang dula sa lotto.
Matud ni Pelisco kini tungod kay aduna pa silay nabilin nga pundo alang niini.
Giklaro ni Pelisco nga ang dula sa lotto nga gibalik karong panahona mao ang digit name sama sa 2 digit, swertres, 4 digits, ug six digits.
Apil na usab nga gibalik ang dula sa 6/42, 6/45, 6/49/6/55 ug 6/58 samtang ang wala nabalik nga dula mao ang keno ug ang STL.
Samtang temporaryo nga wala una gibaligya sa PCSO ang scratched it nga ticket.
Matud ni Mario Pelisco sa PCSO Bukidnon, kini usa ka ticket nga pre-printed ug igo lang koskoson aron makita kung nakadaug o wala.
Dugang pa ni Pelisco nga wala siya masayud kung nganong wala pa kini gibalik, apan kung kinsa ang indibidwal nga nakapalit na ug wala pa na koskos, andam usab sila nga bayran.
