Davao City – Gipaburan sa Davao City Anti Drug Abuse Council (CADAC) ang pamahayag ni Miss Universe 2018 Catriona Gray may kalabutan sa paggamit sa marijuana sa medikal nga panginahanglanon.
Sumala ni CADAC program director Ronald Rivera, uyon kini nga kuhaon lang ang medical properties sa marijuana sanglit ang maong dahon mismo adunay addictive components.
“Kung yung green plants mismo dili pud ko mosugot ana though marelease siya as medical marijuana pero naa gihapon siyay addictive components,” saysay niini.
Gitataw ni Rivera nga ang tanang medisina mag gikan sa organic o herbal plants gani ang tamang pamaagi mao ang pagkuha una sa medicinal properties sa tanum dayon i-synthesize.
“I-characterize na siya tan-awon kung unsa tong chemicals available and then you’ll make a synthetic drugs,” dugang niini.
RadyoMaN Jason Amisola
