Gin-aprobahan sang House Panel ang House Bill no. 180 ukon ang ginaproponer nga Philippine Compassionate Medical Cannabis Act nga nagaproponer sa legalization kag regulation sang medical nga pag-gamit sang medical marijuana.
Apisar nalakip ang marijuana sa mga ginakabig delikado nga bulong sa idalom sang Republic Act 9165 ukon ang Comprehensive Dangerous dDrugs Act of 2002, nakita nga epektibo ang marijuana nga makapamag-an sang mga sintomas sang mga malala nga masakit kaangay sang cancer, multiple sclerosis kag iban pa.
Tinutuyo sang hagna nga gin-author ni Isabela Rep. Rodolfo Albano nga itukod ang Medical Cannabis Compassionate Centers (MCCC) nga lisensyado sang Department of Health (DOH) sa mga state-accredited hospitals, specialty hospitals kag private tertiary hospitals nga mahimo makabaligya kag makasupply sa mga qualified nga mga pasyente.
Gina-require sang hagna ang mga qualified nga mga pasyente nga may malala nga balatian nga i-certify ini sang ila doktor kag hatagan sang identification cards sang DOH.
Importante naman ang papel sang PDEA sa pagmonitor kag pag-regulate sang paghatag sang nasambit nga bulong sa mga hospital.
