General Santos City—gihuwat nalang sa Police Station 1 ang medical result sa pagkaangol sa utility nga si Paul De Arci Avila, 42 anyos nga taga Barangay North Gensan kansa gituohang gidunggab sa wala pa mailhing suspetsado.
Sumala ni Police Chief Inspector Jovenson Bayona, Hepe sa Police Station 1 nga tumong niini aron nga masayran kung gidunggab ba gyud ang nahisgutang suspetsado o dili ba kaha natusok lang ug hait nga hinganiban samtang kini lango sa ilimnong makahubog.
Nasayran nga walay nakit-ang kutsilyo sa 3rd floor sa Donopol Building hain nakaplagan ang biktima nga nagkadugo samtang naghapa sa salog. Tungod niini walay nakuhang ebidensya ang kapulisan kung gidunggab ba gyud ang nahisgutan.
Sa kasamtangan gikatakdang balikan sa mga imbistigador ang biktima nga anaa sa ospital alang sa dugang pang mga imbistigasyon.
