Ginpanginwala sang medical team sang Western Visayas Regional Athletic Association (WVRAA) Meet 2018.
Sa press release ni Dr. Jose Maria C. Villarosa III, hugot sini nga ginpanginwala ang mga reports nga nagwa sa pila ka mga media outfits nga 400 ka mga athletes, coaches kag trainers ang ginhatagan sang atensyon medikal.
Dugang pa niya nga suno sa ila logbook, 105 lang ka mga pasyente ang gin-akomodar sang medical staff sumugod sa una nga adlaw sang event.
Suno pa kay Dr. Villarosa, halin sa nagkalain-lain nga age groups ang mga pasyente .
Yari ang kompleto nga listahan sang mga kaso nga na-record sang WVRAA medical team:
Musculoskeletal pain – 45 patients
Colds – 10 patients
Elevated blood pressure – 9 patients
Toothache – 4 patients
Headache – 2 patients
Asthma – 1 patients
Allergic reaction – 7 patients
Abrasion – 10 patients
Hyper acidity – 8 patients
LBM – 6 patients
Fever – 1 patients
Sty – 1 patients
Sore throat – 1 patients
Dugang pa ni Villarosa nga kaina sang aga, nag-request na ang tagpamuno sang eskwelahan sa Iloilo City Water District nga i-check ang suplay sang tubig sang eskwelahan para masigurado nga makaigo kag tinlo ini nga magamit.
Samtang, nag-apelar naman ang Head of Delegation nga si Gladys Amylaine D. Sales, CESO, OIC-Superintendent of the Division of Negros Occidental sa mga media companies nga i-report lang ang tuod kag beripikado nga impormasyon.
“Unverified news will only make a bad image for the delegation and our host school, which is not fair. Also, it will weaken the morale of our supporters and our participants. Remember, we are aiming for the top position in this competition. How can we do that if unverified reports about our delegation is spreading around?” suno kay Sales.
May yara sang kabilugan nga 3,688 ka mga delegato ang WRAA 2018 subong nga Pebrero 18 – 23, 2018 gikan sa Iloilo, Negros Occidental, Capiz, Guimaras, Aklan kag Antique. – RCSG/iFM News
