General Santos City—Gipailawom na sa training ang dugang MedTech sa Dr. Jorge P. Royeca Hospital alang sa covid 19 laboratory sa syudad isip dugang pwersa sa pito ka adlaw nga operasyon sa maong pasilidad.
Sumala kang Dr. Ryan Aplicador, Hospital Chief sa Dr. Jorge Royeca hospital nga sugod niadtong Nobyembre 30, matag adlaw na nga naga-operate ang laboratoryo sa Royeca Hospital aron nga walay matanggong nga mga specimen. Dugang pa niini nga sulod sa pipila na kaadlaw, dili maka-abot ug 96 ka specimen ang gina-test sa maong pasilidad, ug siya positibo nga sa kini magpadayon hangtud nga mahurot ang ihap sa mga kinahanglang ipa-ilalom sa swab testing.
Dugang pamahayag ni Dr. Aplicador nga sa karon, tanang mga pasyente nga anaa sa mga hospital sa Gensan ang ilahang gina-cater para sa testing sa covid 19. Apan wala una nila ginadawat ang mga para sa out-patient, apan tanang specimen nga gikan sa City Epidemiology Surveillance Unit (CESO) ang ginapa-ilawom sa test sa Dr. Jorge Royeca Hospital bisan ug dili sa maong hospital naka-admitar. Sa karon, ilaha ng ginatun-an nga modawat ug mga specimen gikan sa probinsya sa Sarangani hilabina nga dili na makab-ot sa laboratoryo ang 96 nga specimen nga target matag adlaw.(LVR)
