Megastar Sharon Cuneta, pinatawad na ang kolumnista na “umapi” sa kaniyang mga anak

Pinatawad na ng Megastar na si Sharon Cuneta ang dati niyang kaibigan na si Ronald Carballo na una nang nambastos sa kaniyang mga anak.

Ayon kay Sharon, sana ay magsilbing-aral ito sa kolumnista at hindi na nito gawin sa iba.

Ipauubaya na rin aniya niya sa Diyos ang lahat ng ginawa ni Carballo at ipagpapatuloy na lang ang magandang samahan ng kanilang pamilya.

Nagpapasalamat naman si Sharon sa mga taong sumuporta sa kanilang pamilya lalo’t maraming problema ang kanilang kinakaharap tulad ng pamba-bash na natatanggap ni Frankie Pangilinan.